पाचशे रुपये लाच घेताना रुईभर सज्जाची  कृषी सहाय्यक महिला चतुर्भुज 

उस्मानाबाद - एक हजार लाचेची मागणी  करून पाचशे रुपये  लाच रक्कम स्विकारल्याने रुईभर सज्जाच्या  कृषी सहाय्यक रंजना नवनाथ मुंडे यांना  लाचलुचपत प्रतिबंधक विभागाच्या पथकाने सापळा रचून रंगेहात पकडले आहे. 

तक्रारदाराने  नानाजी देशमुख कृषी संजीवनी योजना अंतर्गत तुषार सिंचन यां गटासाठी  ऑनलाईन अर्ज दाखल केला होता . सदर कामाची पाहणी करून तुषार सिंचन अनुदानाचे मागणीपत्र घेऊन सिंचन सेट खरेदी केलेचा अहवाल शासनास पाठवणेसाठी लोकसेवक  रंजना नवनाथ मुंडे, वय 37 वर्षे, कृषी सहाय्यक, सज्जा रुईभार ता. उस्मानाबाद यांनी तक्रारदार यांच्याकडे 1000/- रुपये लाच रकमेची  मागणी करून 500/- रुपये लाच रक्कम पंचा समक्ष  स्वीकारली.

 याबाबत  पो स्टे बेंबळी, ज़िल्हा उस्मानाबाद येथे गुन्हा नोंदविण्याची प्रक्रिया चालू आहे. ही कार्यवाही पोलीस अधीक्षक डॉ.श्री.राहुल खाडे , अपर पोलीस अधीक्षक डॉ अनिता जमादार ला. प्र.वि.औरंगाबाद   प्रशांत संपते, पोलीस उप अधीक्षक, ला. प्र. वी उस्मानाबादयांचे  मार्गदर्शनाखाली गौरीशंकर पाबळे, पोलीस निरीक्षक, लाच लुचपत प्रतिबंधक विभाग, उस्मानाबाद यांनी केली. याकामी त्यांना पोलीस अंमलदार इफ्तेकर शेख , मधुकर जाधव , अर्जुन मारकड, विष्णू बेळे, विशाल डोके , चालक इरफान पठाण यांनी मदत केली.

कोणताही शासकीय अधिकारी/कर्मचारी, महाराष्ट्र शासनाचे मानधन, अनुदान घेणारी व्यक्ती, खाजगी व्यक्ती शासकीय कामासाठी अथवा शासकीय काम करून दिल्याबद्दल लाचेची मागणी करत असेल तर लाचलुचपत प्रतिबंधक विभाग, उस्मानाबाद येथे सम्पर्क करण्याबाबतचे आवाहन प्रशांत संपते, पो.उप अधीक्षक, ला.प्र.वि. उस्मानाबाद ( मो.नं.९५२७९४३१००)  गौरीशंकर पाबळे .(मो.क्र. 8888813720) पो. नि, ला. प्र. वी. उस्मानाबाद यांनी केले आहे