सलग दुस-या दिवशी शेअर बाजाराचे नुकसान

 

सलग दुस-या दिवशी शेअर बाजाराचे नुकसान

मुंबई, १२ मे २०२०:  सलग दुस-या दिवशी मंगळवारी एसअँडपी बीएसई सेन्सेक्स आणि निफ्टी ५० निर्देशांक रेड झोनमध्ये दिसून आला. मात्र व्यापाराच्या शेवटच्या तासात शॉर्ट कव्हरिंगमुळे निर्देशांकाने काही नुकसान भरू काढले. ३० शेअर सेन्सेक्स १९०.१० अंक किंवा ०.६०% नी घसरुन ३१,३७१.१२ अंकांवर थांबला. तर निफ्टी ५० ३१.३५ अंक किंवा ०.३५% नी घसरून ९,२०७.८५ अंकांवर थांबला.
निफ्टी मिडिया निर्देशांकात १.७ टक्क्यांच्या वृद्धीसह एनएसईतील ११ क्षेत्रीय निर्देशांकांपैकी सात निर्देशांक वधारले. तथापि, बँकिंग आणि तेल क्षेत्रातील स्टॉक्सवर आज विक्रीचा दबाव दिसून आल्याचे एंजल ब्रोकिंगचे प्रमुख सल्लागार श्री अमर देव सिंह यांनी सांगितले.
गुंतवणूकदारांच्या प्रॉफिट बुकिंगमुळे आरआयएलची शेअर प्राइज ६ टक्क्यांनी घसरून ती १४.८६.४५ वर बंद झाली. उद्या स्टॉक एक्स-राइटमध्ये रुपांतरीत होईल. कंपनी ५३,१०० कोटी रुपयांचे १:१५ राइट्स देईल. १४ मे रोजी प्रति शेअरची किंमत १,२५७ रुपये आहे.
बँकिंग क्षेत्रावरील संकट कायम:
निफ्टी बँक मागील १८,९५०.४० अंकांवरून १८,७५१ अंकांवर सुरु झाली. ०.४६ टक्क्यांची घसरण घेत ती १८८६२.८५ अंकांवर थांबली. खासगी क्षेत्रातील बँका मोठ्या प्रमाणात महत्त्वाच्या बँकांसह मार्केटच्या बाहेर पडल्या. कोटक महिंद्रा बँकेचे शेअर ३०.५० रुपयांनी घसरून १,१५७.९५ रुपये किंवा २.५७% नी घसरले. जपानची विमा प्रमुक निप्पॉन लाइफ इंडसइंड बँकेत धोरणात्मक गुंतवणूक करण्याच्या विचारात असल्याच्या वृत्तानंतर या बँकेची कामगिरी चांगली झाली. तिचे शेअर्स ३ टक्क्यांनी वाढले.
फार्मास्युटिकल क्षेत्राने प्रॉफिट बुकिंग अनुभवले:
पिरामल एंटरप्रायझेसने २५.१० रुपये किंवा २.६९%ची घसरण घेत ९०६.५० रुपयांवर विश्रांती घेतली. इंट्रा डे सेशनमध्ये मार्च २०२० रोजी संपलेल्या तिमाही १७०२.५९ कोटी रुपयांचा तोटा झाल्याने शेअर १४ टक्क्यांनी खाली घसरला. सिपला लिमिटेडनेही आज कमकुवतपणा दाखवला. या मूल्यात २.६५% घसरण होऊन ५७०.५० रुपयांवर स्टॉक बंद झाला.
आयटी व तंत्रज्ञानाचे बूस्टर:
आज चांगली कामगिरी करणा-या स्टॉकमध्ये आयटी आणि टेक्नोलॉजी क्षेत्रातील क्लस्टरचा समावेश आहे. संपूर्ण सेवा क्षेत्रातील कर्मचाऱ्यांसह रिमोट वर्किंग मोड्युल असलेले एनआयआयटी स्टॉक विजेते म्हणून उदयास आले. हे स्टॉक ३.२७% नी वाढून ८६.८० रुपयांवर बंद झाले. आजच्या दिवसातील १,९१०.२५ रुपयांची सर्वात निचांकी पातळी गाठणा-या टीसीएसने पुन्हा सुधारणा करत १,९४८.०० रुपयांवर विश्रांती घेतली.
रुपया डॉलरच्या तुलनेत मजबूत:
अमेरिकी डॉलरच्या तुलनेत भारताचा रुपया १५ पैसे घसरणीसह ७५.८८ वर सुरु झाला. आशियातील इतर चलन कमकुवत असूनही अमेरिकन चलनाच्या तुलनेत रुपया ७५.९५ च्या पातळीवर पोहोचला.

From around the web