शेतातील विहिरी व तलावातील इलेक्ट्रीक पाणबुडी मोटार चोरणाऱ्या चोरट्यास अटक 

ढोकी पोलीस स्टेशन अंतर्गत येणाऱ्या अनेक गावांत  मागील काही दिवसांपासून  शेतातील विहिरी व तलावातील इलेक्ट्रीक पाणबुडी मोटार चोरीचे प्रमाण वाढले होते. याप्रकरणी ढोकी  पोलिसांनी एका चोरट्यास अटक करून २३ इलेक्ट्रीक पाणबुडी मोटार हस्तगत केल्या आहेत. 

कुंदन राजेंद्र काळे ( वय २७, रा. राजेशनगर , ढोकी ) असे या चोरट्याचे नाव आहे, या चोरट्याकडून पोलिसांनी २३ इलेक्ट्रीक पाणबुडी मोटार हस्तगत केल्या आहेत. त्याची किंमत  साधारण २० हजार रूपये  प्रमाणे ४ लाख ४० हजार इतकी आहे. 

ढोकी पोलीस स्टेशनचे सपोनि जगदीश राऊत यांच्या मार्गदर्शनाखाली पोलीस उपनिरीक्षक बुद्धेवर , सपोफौ सातपुते, गवळी. पोहेकॉ शेळके, पोलीस नाईक क्षिरसागर, तरटे , पोकॉ शिंदे, पांडे, गोडगे, थाटकर  यांनी या चोरीचा छडा  लावला. आरोपी कुंदन राजेंद्र काळे याने आणखी कुठे कुठे चोऱ्या केल्या याचा तपास ढोकी पोलीस करीत आहेत.