शेतकऱ्यास पाचशे रुपये लाच मागणारा सांजा सज्जाचा कृषी सहाय्यक गजाआड 

उस्मानाबाद - सीताफळ लागवडीसाठी शासनाकडून मिळणाऱ्या अनुदानाकरीता अर्ज दाखल केल्यानंतर प्रत्येक फाईलची पाचशे रुपयाच्या लाचेची मागणी करणाऱ्या सारोळा सज्जाच्या कृषी सहाय्यकास एसीबी पथकाने सापळा रचून रंगेहात पकडले. 

तक्रारदार यांचे आईचे मौजे सारोळा येथे असलेल्या शेतात शासनाचे MREGS या योजनेचे अंतर्गत सीताफळ लागवडीसाठी मिळणारे अनुदानाकरीता  तालुका कृषी अधिकारी कार्यालय, उस्मानाबाद, अर्ज दाखल केल्यानंतर कृषी सहाय्यक श्रीकांत रामकृष्ण मगर (  वय 46 वर्षे ) यांनी  एका मस्टरसाठी 500/- रुपये प्रमाणे जेवढे मस्टर होतील तेवढ्या मस्टरचे पैसे द्यावे लागतील असे म्हणून लाचेची मागणी केली होती,. 

त्यानंतर तक्रारदाराने लाचलुचपत प्रतिबंधक विभाग ( एसीबी ) यांच्याशी संपर्क साधला असता,  पोलीस अंमलदार दिनकर उगलमूगले, इफ्तेकार शेख, विष्णू बेळे, नागेश शेरकर यांनी वरिष्ठ अधिकाऱ्याच्या मार्गदर्शनाखाली सापळा रचून लाचखोर  कृषी सहाय्यक श्रीकांत रामकृष्ण मगर यास रंगेहात पकडले. 

उस्मानाबाद जिल्ह्यात कोणी सरकारी अधिकारी/ कर्मचारी कायदेशीर कामासाठी लाच मागत असेल तर लाचलुचपत प्रतिबंधक कार्यालय, उस्मानाबाद ( फोन नं.02472 222879, भ्रमणध्वनी क्र. 95279 43100, 86524 33397, 77190 58567) येथे संपर्क साधण्याबाबत आवाहन प्रशांत संपते, पोलीस उप अधीक्षक,ला.प्र. वि.उस्मानाबाद यांनी केले आहे.