उमरगा तालुक्यात अपघात, दोन जखमी 

उमरगा  : सुंदरवाडी, ता. उमरगा येथील जितेंद्र जगदाळे हे आजी- रुक्मिणीबाई जगदाळे यांना दि. 18.01.2022 रोजी 13.15 वा. मोटारसायकलवरुन घेउन जात होते. यावेळी मुरुम फाटा येथील एसएमपी महाविद्यालयाजवळील रस्त्यावर आले असता ओमनी कार क्र. एम.एच. 2 एमए 9207 ची जितेंद्र यांच्या मोटारसायकलला धडक लागली. 

या अपघातात जितेंद्र यांचा उजवा पाय मोडला तर आजीस किरकोळ दुखापत झाली. या अपघातानंतर नमूद कारचा अज्ञात चालक अपघात स्थळावरुन वाहनासह पसार झाला. अशा मजकुराच्या  जितेंद्र जगदाळे यांनी दि. 04.02.2022 रोजी दिलेल्या प्रथम खबरेवरुन भा.दं.सं. कलम- 279, 337, 338 सह मो.वा.का. कलम- 184, 134 अंतर्गत गुन्हा नोंदवला आहे.

रहदारीस धोकादायकपने वाहन उभे करणाऱ्या दोन चालकांवर गुन्हे दाखल

उमरगा : दिनकर दशरथ गायकवाड, रा. भोसगा व महाळु विठ्ठल डंगापुरे, रा. मुरुम या दोघांनी दि. 04.02.2022 रोजी 11.30 वा. सु. उमरगा येथील महामार्गावर आपापल्या ताब्यातील अनुक्रमे ऑटोरिक्षा क्र. एम.एच. 25 एम 0775 व पिकअप क्र. एम.एच. 25 एजे 0782 हा रहदारीस धोकादायकपने उभे करुन भा.दं.सं. कलम- 283 चे उल्लंघन केले. यावरुन पोलीसांनी सरकारतर्फे दिलेल्या प्रथम खबरेवरुन नमूद दोघांविरुध्द उमरगा पो.ठा. येथे स्वतंत्र 2 गुन्हे नोंदवले आहेत.