ब्रिटीश पंतप्रधान बोरिस जॉनसन यांची प्रकृती खालावली

कोरोना व्हायरसचा संसर्ग झालेले ब्रिटनचे पंतप्रधान बोरिस जॉनसन यांची प्रकृती खालावली आहे. त्यामुळे त्यांना रूग्णालयातील आयसीयूमध्ये दाखल करण्यात आलं आहे.

बॉरिस जॉनसन यांना मार्च महिन्याखेरीस कोरोना व्हायरसचा संसर्ग झाला होता. त्यानंतर ब्रिटिश पंतप्रधानांनी काही दिवसांसाठी स्वतःला आयसोलेट केलं होतं. दरम्यान, जॉनसन यांच्या ऑफिसच्या वतीने जारी करण्यात आलेल्या माहिती पत्रकात पंतप्रधानांची प्रकृती स्थिर असून त्यांना व्हेंटिलेटरची आवश्यकता नसल्याचं सांगितलं होतं.

जॉन्सन यांनी २७ मार्च रोजी  ट्वीट करून म्हटले होते की, “गेल्या 24 तासात मला सौम्य लक्षणे दिसू लागली आहेत आणि सकारात्मक चाचणी घेण्यात आली आहे. आता मी स्वत: ला अलग करत आहे. परंतु ज्या वेळी आम्ही कोरोनाविरूद्ध युद्ध लढत आहोत, त्यावेळी मी व्हिडिओ कॉन्फरन्सिंगच्या माध्यमातून सरकारचे नेतृत्व करत राहीन. ' यानंतर, डाउनिंग स्ट्रीटच्या प्रवक्त्याने सांगितले होते की, जॉनसनची कोरोना टेस्ट गुरुवारी सौम्य लक्षणे दिसून आल्यानंतर डॉक्टरांच्या सल्ल्यानुसार घेण्यात आली, ज्याचा सकारात्मक परिणाम झाला. डॉक्टरांच्या सल्ल्यानुसार पंतप्रधान डाऊनिंग स्ट्रीटमध्ये स्वतंत्र राहत आहेत. मात्र, आता त्यांना रुग्णालयात दाखल करण्यात आले आहे.