कोरोनामुळे पाच राज्यांत विधानसभा अधिवेशन तहकूब...

 देशातील कोरोना व्हायरसचा वाढता प्रादुर्भाव लक्षात घेता बंगाल, बिहार, छत्तीसगड, मध्य प्रदेश आणि ओडिशा या अनेक राज्यांत विधानसभा अधिवेशन तहकूब करण्यात आले आहे. अनेक राज्य सरकारे कोरोना संक्रमणाचा प्रसार रोखण्यासाठी सर्व प्रभावी आणि त्वरित पावले उचलत आहेत. राज्याच्या सीमेवर सतर्कता ठेवत बाहेरून आलेल्या लोकांची तपासणी केली जात आहे यावेळी, कोरोना संशयितांचाच शोध घेण्यात येत नाही तर प्रत्येकालाच अहवाल येईपर्यंत एकाकी ठेवण्यात येत आहे. शाळा, महाविद्यालये, मल्टिप्लेक्स यापूर्वीच बंद करण्यात आली आहेत.

राजस्थानामध्ये अफवा पसरवणारा वैद्यकीय कर्मचारी अटकेत

 राजस्थान उच्च न्यायालय प्रशासनाने त्यांना आवश्यक ती पावले उचलण्याचे निर्देश देऊन एक पत्र जारी केले आहे. फक्त जेव्हा आवश्यक असेल तेव्हाच पक्षाकार व साक्षीदारांना बोलविण्याच्या सूचना देण्यात आल्या आहेत. कोरोनाबद्दल सोशल मीडियावर अफवा पसरवण्याच्या आरोपाखाली दौसा जिल्ह्यातील महुआ रुग्णालयात कार्यरत वैद्यकीय कर्मचारी अनिल टांक यांना निलंबित करत अटकही केले आहे.

नियंत्रणासाठी योगी सरकार रस्त्यावर

 उत्तर प्रदेशचे योगी सरकार कोरोनाच्या विरोधात पूर्णपणे सक्रीय असल्याचे दिसून येत आहे. संपूर्ण परिस्थितीचा आढावा घेण्यासाठी सरकार सोमवारी रस्त्यावर उतरले. जिल्ह्यांमधील व्यवस्थेचा आढावा घेण्यासाठी मंत्र्यांना पाठविण्यात आले तेव्हा मुख्यमंत्री योगी आदित्यनाथ स्वत: आरोग्य भवन येथील राज्य संसर्गजन्य रोग नियंत्रण कक्षाची पाहणी करण्यास गेले. वैद्यकीय व्यवस्थेवर समाधानी होत योगींनी आश्वासन दिले की कोरोना येथे स्टेज-टू मध्ये आहे, जो आणखी वाढू दिला जाणार नाही.  आरोग्य विभागाने लोकांना जागरूक करण्यासाठी एक लाख अंगणवाडी सेविका आणि आशा बहु यांना प्रशिक्षण दिले आहे.

दिल्ली

बिहार

झारखंड

बंगाल

मध्य प्रदेश

हिमाचल प्रदेश